افضل طريقة صيد سمك المياس بسهولة واسرع وقت


طريقة صيد سمك المياس

طريقة صيد سمك المياس
سمك المياس

موسم المياس

المياس موجود طول السنة ولكن بيبقى كتير في الربيع والصيف وفي الشتاء موجود بس قليل

اوقات صيد المياس

من العصر لغاية بعد غروب الشمس بساعة تقريبا

ومن قبل الفجر بساعة لغاية شروق الشمس

طرق صيد المياس

اللي اعرفهم من طرق صيد المياس طريقتين

الاولى
ودي بتكون من المراكب ومش اي صياد بيستخدمها لانها صعبة و الهواة اللي زي حالاتنا مش بيستمتعوا

 بيها لان الهدف منها بيكون كمية السمك مش مجرد الصيد للمتعة وهي غزل السنار

وده بيكون شعر نمرة 100 او 120 وطولة ممكن 200 او 250 متر وبيربطوا كل 2 او 3 متر سنارة

 كبيرة شوية في سلك مش شعر عادي وبين كل سنارة والتانية يحطوا رصاصة ويطعم في كل سنارة

 سردينة كاملة او نص سردينة ويفرد الشعر في المية ويسيبة من بالليل للصبح ويرجع يلمة وزي ما ربنا يرزق بقى

نيجي للطريقة التانية اللي كلنا ممكن نعملها

البوصة والماكينة

قبل ما نبتدي نصطاد مياس لازم نعرف ان المياس من الاسماك اللي بتاكل اسماك واللي شاف المياس 

قبل كده يعرف ان ليه اسنان حادة جدا يعني الشعر العادي ماينفعش معاه لانة ببساطة سنانة عاملة زي الموس

 فتخيلوا لو انت عديت بالموس على الشعر ايه اللي حيحصل ؟؟ علشان كده بنستخدم سلك صلب

وهو بيبقى عبارة عن سلك مجدول طولة حوالي 20 سم وملحوم فيه سنارة كبيرة بتكون 05 او 04 على حسب

 ما انت تختار
حتحتاج كمان بوصة تكون قوية جدا لان مقاومة المياس جامدة انا عن نفسي مش بصطاد المياس الا

ببوصة بامبو عاملها على ايدي من اول ما جيبتها خام وقطعتها وحمصتها لغاية ما بقت بوصة

يعتمد عليها وهي بوصة حتة واحده 5 متر

مش معنى كلامي ان البوص الفيبر ماينفعش  لا

الشعر اللي حنستخدمة هو الشعر العادي يعني 40 او 50 مش محتاجين شعر جامد لان

السمكة مش حتوصلة الرصاصة متوسطة الوزن

نيجي دلوقتي لاهم جزء في صيد المياس وهو الطعم

زي ما قلنا المياس بياكل سمك يبقى احنا لازم نصطاده باللي هو بياكلة ممكن تجيب سردين من السوق وتشتغل بيه

ولكن انا بفضل اني ارمي بسمكة من المية اللي حرمي فيها

بمعنى اني ممكن ارمي بمرمارة او شرغوش او موزة ومش حتصدقوا اني مرة رميت

بدنيس بس كان يستاهل وممكن انك تاخد البوصة العادية معاك وتطلعلك مرمارتين وتحطهم في جردل مية وتشتغ بيهم

 نيجي دلوقتي لطريقة التطعيم وفيه طريقتين

اما انك تعمل السمكة شرايح وتدككها في السنارة عادي جدا بس الطريقة دي مش بتخلي الطعم يعيش

 معاك كتير في المية لان صيد المياس زي ما قلنا محتاج صبر يعني ممكن ترمي وتقعد جنب

 البوصة ساعتين تلاتة لغاية ما حاجة تضرب

الطريقة التانية للتطعيم ودي المفضلة عندي وهي انك تصطاد بالسمكة كاملة

توكلنا على الله ورمينا

نصيحة لكل اللي عايز يصطاد مياس لازم تفتح وش الماكينة على الاخر علشان لو السمكة شدت ما تكسرش البوصه

المياس بياكل ويشد ودايما بيجري لجوه يعني لازم تديلة براح في الشعر وسيبه يجري براحتة حيتعب

 ويقف وزي ما قلنا انه مقاوم عنيد جدا بس لما بيتعب بيسلم فماتحاولش انك تتعافى عليه لاني للاسف

 بشوف ناس بترمي على المياس وفاكرين ان كل ما تكون السمكة قوية يبقى لازم انت تكون اقوى

اول ما تشدك المياسة افتح القلاب بتاع الماكينة وسيب الشعر حر على الاخر تاخد منه زي ما هي

 عايزة لغاية ما تقف بعد كده تقفل القلاب وترد في السمكة بكل قوتك لان فم المياس قوي جدا فالازم

تتاكد ان السنارة غرزت فيها وعيش واستمتع بمقاومة المياس الجميلة


نصيحة اخيرة

اسنان سمك المياس
اسنان سمك المياس

خلوا بالكم لما تطلعوا المياس وانتو بتسلكوا السنارة لان لا قدر الله لو السمكة قفلت بقها على صباعك ممكن تقطعه


سمكة المياس تتغذى على الاسماك الصغيره مثل


( الموزه والبساريا والسردين والمغازل )(الكنايا الصغيره) وكذللك السبيط والكلماري .


مواسم تواجد الاسماك :


اسماك المياس متواجده طول العام ويطلق على هذه الاسماك ب المياس المستوطن ولكن هذه الاسماك
تكثر وتتواجد باعداد 

واسراب كثيره ابتداء من شهر ٤ وحتى نهايه شهر ٩ وذللك لان هذه الاسماك تحب المياه الدافئه

 التي تزيد من نشاط السمكه والتي تكون ظروف مناسبه للتكاثر ايضا.

معظم هذه الاسماك تأتي مهاجره من ليبيا وبعض الصيادين في المكس والمنتزه بيطلقو عليها لقب ( المياس الاخضر ) .

هذه الاسماك كانت تتواجد في مارينا باعداد كبيره في السابق ولكن الخمس سنوات الاخيره اصبحت ضعيفه

 وذللك لكثره مراكب الصيد التي تقوم بغلق الحواجز بالشباك حتى في موسم توقف الصيد والذي يعتبر بدايه

 الموسم لهذه الاسماك وكذللك ردم بعض الحواجز التي كانت تتجمع عليها كما ان هذه الاسماك يسهل 

اصطيادها عن طريق مراكب الصيد (الشانشوله) والتي تقوم بمحاصره هذه الاسماك بالشباك

 حين رؤيتهاويساعد في ذللك صفاء المياه المتواجده في الساحل الشمالي .

احسن اوقات الصيد :


من قبل طلوع الفجر الى مابعد الشروق بساعتين ومن العصر الى المغرب .

الطعوم المستخدمة :


١- المغازل (الكنايا الصغيره) وهي من احب الطعوم لهذه الاسماك .

٢- البساريا والسردين .

٣جميع الاسماك التي تتوجد حول الاماكن الصخريه : الدنيس ،الشراغيش،الموزه،المرمار .

٤- السبيط والكلماري .

طريقه الصيد

صيد سمك المياس بالقصبة
صيد سمك المياس بالسنارة

١- التجريه :وهناك طريقتين للتجريه لصيد هذه الاسماك .

الطريقه الاولى (أ):

وهي الطريق التي يتبعها الصيادين في المكس والمنتزه وابوقير عن طريق المراكب الصغيره والتي تتيح لهم 

الاقتراب من المناطق الصخريه وذللك عن طريق تسليك المغازل في سبحه جر والدوران حول المناطق

 الصخريه للجزر المتواجده في عرض البحر بأستخدام سللك معدني (واير) وسلاح كبير و يصل سعر كيلو 

المغازل في هذه الفتره الى ١٠٠ ج وذللك لصعوبه الحصول عليها ،

ويفضل الصيادين استخدام المغازل الانثى والتي يكون لونها مائل الى اللون الاصفر عن المغازل الذكر التي يكون

 لونها مائل الى اللون الفضي لان الانثى في هذه الفتره بتكون مليانه وبتستحمل التجريه عن الذكر اللي

 بيكون ضعيف ولازم الصياد يغير الطعمايه كل شويه عشان بتتبهدل .

الطريقه الثانيه (ب) :

عن طريق الربلات على الحواجز والمناطق الصخريه ومن الطريف في هذا الموضوع انه في احدى الرحلات

 التي قومت بها مع احد الصيادين في المنتزه على جزيره جريشه انه كان يقوم بكسر الدفه المخصصه للرابله

 لان هذه الاسماك تهاجم الاسماك الموجوده على السطح كما انك تقوم برمي الرابله على الوعر مباشره وتلم

وعاده ما تكون هذه الاسماك متواجده تحت الوعر مباشره في انتظار خروج الاسماك الصغيره وتفاديا

 لعدم امساك الرابله بالصخور ، المغذى من هذه المفارقه انه هذا الصياد قام بتحليل طريقه هجوم هذه الاسماك 

وقام باجراء تعديل على صناع الرابلات في العالم من وجهه نظره ومعايشته لهذه الاسماك لتتناسب مع البيئه التي يصطاد فيها .

٢- استخدام الطعوم ( الشرحه ) :

وهذه الطريقه شائعه الاستخدام بين الصيادين ونقوم باستخدام اسماك البوري في هذه الطريقه او الدنيس 

وذللك عن طريق اخذ الجانب الايمن والايسر من السمكه على طريقه الفيليه ومن ثم وضع الجانبين على

 بعض ويكون جانب اللحم للخارج و جانب الجلد والقشر للداخل ونقوم باستخدام واير وسلاح كبير

ونقوم بدكيك السمكه من الاعلى الى الاسفل خمس مرات على الاقل ثم نقوم بأحضار ١/٢ متر شعر ٣٠ 

ونقوم بلفه على الشرحه من الخارج وربطه جيدا عشان السمكه ماتتبهدلش وانتى بترمي وكمان عشان تقعد

 ماسكه نفسها فتره لانك بترميه وتسبها .

ممكن كمان تستخدم راس سبيط او سبيط صغير في هذه الطريقه .

٣- الطعم الصاحي :

ونتسخدم في هذه الطريقه اي نوع من الاسماك (دنيس فليكس ،شراغيش ،مغازل ،مرمار ) ونقوم بشك السمكه 

من الذيل باستخدام سلك معدني وسلاح كبير ولازم تفتح البيكب ولما السمكه تتضرب تقفل وترد جامد والسمك

 ده مش عايز تسيبه يجري كتير لانه بيشلح كتير لم على السمكه وتعافى عليها لانها لما بتشد عليها بطير 

وبتتطلع بره الميه فتتديك فرصه انك تلم شعر زياده .

نصائح وارشادات عند صيد المياس :


١-يجب استخدام بوصه قويه ناشفه عشان تعرف تتعامل مع السمكه لو كونت بتستخدم طريقه الشرحه


 او الطعم الصاحي اما لو كنت بتصطاد بطريقه التجريه ينصح باستخدام بوصه مرنه عشان تعرف ترمي الرابله مسافات بعيده .

٢-يجب التعامل مه هذه الاسماك بحذر عند اصطيادها وانصح باستخدام كماشه او بنز عند تسليك السمكه .

٣-المياس عاده ما بيكون اسراب وبيعمل دوريات على نفس المكان عشان كده لو اخدت سمكه


 الفجريه جرب عليه المغربيه او تاني يوم في نفس الوقت .

٤-الواير المستخدم في صيد الشرحه يجب الا يقل عن مقاس 40 .

٥- يفضل استخدام سلاح مقاس 04 او 05

٦- يجب شك السمكه من الذيل في طريقه الطعم الصاحي بعيدا عن العمود الفقري .

ارجو ان اكون قد استطعت افادت الجميع والى اللقاء في حلقه قادمه ان شاء الله
 


أجمل طرق صيد المياس (1)

صيد المياس بطريقة الكاستنج 🐠


النهاردة حانتكلم علي شغل المياس بطريقة الكاستنج

الأدوات والمعدات المطلوبه ........
اللور المخصصة لصيد سمك المياس
اللور المخصصة لصيد سمك المياس

.
1/بوصة قوية خفيفة يستحسن كربون ومكنة حجم وسط قوية واملاها شعر 45 او بريدد 30 ليبرا

 واهوي البكرة بتاعة المكنة شوية

2/المكان المناسب للكاستنج عالمياس يكون علي حروف الوعر او علي اطراف الجزر وياريت

 في مكان يكون رغوة الموج فيه بيضا وكتير وتشوف مكان تقف فيه يكون امان

3/بعد كدة تبدأ تستعمل اي نوع رابلا من اللي في الصورة ولو حانستعمل رابلا فوق ال10سم يعني

 يبدأ وزنها مثلا من 28 جرام وحتي 60جرام يبقي حانربط الرابلا في الشعر علي طول

4/ولو حاستعمل رابلا صغيرة اصغر من 10 سم واقل من 28جرام او معلقة صغيرة يبقي حانحط

 رصاصة بلحة صغيرة 20 جرام مثلا ونسندها بمدوار ونربط شعراية بطول متر وفيها الرابلا في

المدوار وتكون نفس الشعر اللي عالمكنة يعني 45 برضو

5/ونبدأ نرمي في الرغوة ونلم بس مش بسرعة جامدة ﻻ مابين البينين ﻻ سريع وﻻ بطئ .. والله الموفق
عود قوي لصيد سمك المياس
عود قوي لصيد سمك المياس
 نرجو مشاركة المنشور لتتم الوصول لاكبر عدد من محبي صيد السمك حتي تفيد ويستفاد غيرك

طريقة صيد السمك كاستنج المياة العذبة

للمهتمين بالكاستنج فى المياة العاذبة

 
طريقة الصيد في الماة العذبة بالكاستينج

 كنت حابب انقل تجريبتى فى الموضوع ده

ينفع طبعا تصطاد كاستنج فى النيل او فى ترعة السلام او فى أى ترعة كبيرة واخده من النيل
 
 زى ترعة الاسماعيلية

السمك المستهدف

 قشر البياض و البياض دول اكتر نوعين مهاجمين للاسماك خاصة قشر البياض

قشر البياض:

 حاول تعرف اماكن تواجده الاول . المفروض انه بيكون فى الاماكن العميقة و فى
 
 الاماكن اللى فيها تيار مياة قوى وبالقرب من محطات المياة

دى الاماكن المفروض يتواجد فيها ولاكن ممكن تجرب فى اى مكان عادى

الموضوع عايز تجارب واستمرارية يعنى لو جربت مره او اتنين او اكتر 
 
وماتوفقتش ماتيأسش وتقول مش هاينفع

عن نفسى جربت كتير جدا على ماربنا كرمنى بسمك

بيكتر نشاطه من اول شهر 5 لحد شهر 10 والايام الحر فى شهر 11 و 
12

الربلات المستخدمه :

 

 ياريت تكون بتغطس 2 او 3 متر او لحد 5 متر حسب المكان 


انا استخدمت رابلة جر ! يازورى 12 سم وكانت كويسة

الالون: 

خليك فى الالوان الفاتحة زى الفضى والدهبى و الاصفر والبرتقالى و الاخضر

وينفع برده الجارينجو او الجيلى المقاسات الصغيرة منه تنفع للبياض 5 و 7 سم

والكبيرة تنفع مع القشر 12 او 15سم
جرينجو المياة العذبة
 

العود 

ياريت يكون كاربون او اى عود خفيف الكاست C.W من ٢٠ الى ٦٠

الطول 2.4 او 3 متر او 4.20
 

الماكينة

 ياريت ماتكونش تقيلة يعنى مقاس 4000 او 6000 معقول اوى

ياريت تكون الفرامل مظبوطه لان القشر بياض قوى جدا

الخيط 

ياريت يكون بريدد 30 ليبره 0.28مم مع ليدر 40 او 45 مم

او خيط مونو نايليون عادى 40 او 45 يكون نوع نضيف انا بفضل البريدد على شان رفيع وقوى وسهل فى الحدف

مواسم صيد الاسماك والربلات المستخدمة او المفضل استخدامها خلال هذه الفتره

افضل اوقات صيد السمك والمواسم المخصصة له

 مواسم صيد الاسماك والربلات المستخدمة او المفضل استخدامها خلال هذه الفتره
 مواسم صيد الاسماك والربلات المستخدمة او المفضل استخدامها خلال هذه الفتره

الساده الاعضاء الكرام نظرا لتكرار الاسئلة عن مواسم صيد الاسماك والربلات المستخدمة

 او المفضل استخدامها خلال هذه الفتره ، سوف نقوم بمناقشه الموضوع من عده جوانب

 مع الشرح التفصيلي لكي تكون الامور واضحه وسهله خصوصا للاعضاء الجدد :

ما المقصود بموسم صيد الاسماك :

(كما هو المعتاد بتسمع كلام صيادين كتير بتقول ده موسم مياس ، موسم قاروص ....الخ ):

هيه فتره بتكثر فيها الاسماك وبتكون نشطه وعدائيه وذللك لعده عوامل اهمها التالي :

١- الهجره الي تيارات المياه الدافئه للتزاوج .

٢- تواجد الاسماك التي تتغذى عليها بكثره والجزئ ده انا حابب اشرحو ب التفصيل .

هناك معادله حسابيه وتتبع للاحداث يحدث في وقت معين من السنه وبيكون

هناك عنصر اساسي مسؤل عن هذه المعادله لمعظم الاسماك المستهدفه بطريقه الكاستنج

 وهو ( السردين ) هجره السردين احب الطعوم لجميع الاسماك ، المعادله بتقول :

تواجد اسماك السردين ## يتبعها دخول اسماك مهاجمه ( ميره ، شجاره ،مغازل،دراك،اناشي ،

لمبوكه(حصان)،مياس).

النتيجه من المعادله السابقة :

١- السردين كان نقطه البدايه وقد ادى الى دخول اسماك مهاجمه ( ميره ، مغازل ،شجاره)

٢- المغازل والميره ادت الي تواجد اسماك مهاجمه اكبر ( مياس ، اناشي، دراك)

٣- مواسم الاسماك المهاجمه :

المياس : 

سمك المياس
سمكة المياس

 

من شهر ٤ الى شهر ٩ يفضل استخدام ربلات كبيره الحجم من ١١ سم الى ١٨ سم

وتلاحظ هنا ان السمكه ده بيحب الربلات الكبيره لانها اقرب ما تكون الي حجم المغازل ،

 المعالق بريش ابيض للاحجام المتوسطه ظ(قشايط) ، بوبرات من ١٠ الي ١٦ سم

الاناشي : 

سمك الاناشي
سمك الاناشي

 

من شهر ٦ الى شهر ٩

الدراك :

سمك الدراك
سمك الدراك


 هناك موسمين للدراك الموسم الاول للدراك المتوسط الحجم والتي تتراوح

 اوزانه من ٣ الي ١٠ كيلو من شهر ٤ الي شهر ٧ ويطلق عليه الصيادين ( صواريخ)

 ويفضل استخدام ربلات كبيره الحجم من ١٢ سم الى ١٨ سم

الموسم الثاني من شهر ١٠ الي شهر ٢ وده موسم الامهات الاسماك الكبيره .

الشجاره :

من شهر ٤ الي شهر ٩ يفضل استخدام ربلات من ٩ الي ١٢ سم والمعالق الفضي والذهبي .

الميره : 

 

من شهر ٣ الي شهر ٩ يفضل استخدم ربلات من ٧ الى ٩سم ، والمعالق الفضي والذهبي .

المغازل :

سمك المغازل
سمك المغازل

 

يوجد لها موسمين الموسم الاول من شهر ٤ الي شهر ٨ الموسم الثاني

 من شهر ١١الي شهر ٢. ربلات من ٥سم الى ١٢ سم

الوقار (١١١) : 

سمك الوقار او سمك الهامور
سمك الوقار او سمك الهامور

 

من شهر ٤ الي شهر ٧ يفضل استخدام ربلات غرقانه من ٩ الى ١٢ سم

اللمبوكه ( الحصان) : 

سمك اللمبوكة او الحصان
سمك اللمبوكة او الحصان

 

من شهر ٩ الى شهر ٣ يفضل استخدام معالي فضي بريش ابيض وربلات من ٩ الى ١٨ سم

الكبريت(بلميطه) :

سمك الكبريت او البلاميطة
سمك الكبريت او البلاميطة

 

 من شهر ٧ الي شهر ١١، افضل طريقه لصيده هيا المعالق

 بجميع الوانها واشكالها وربلات من ٩ سم الى ١٨ سم

القاروص : 

سمك القاروص
سمك القاروص

 

من شهر ٩ الى شهر ٣ ربلات من ٧سم الى ١٣ سم ، الجرينجو ( بلاك مينو او ساند ايل على سبيل المثال )

اللوت : 

سمك اللوت
سمك اللوت

 

من شهر ٩ الي شهر ٤ ربلات من ١٢ سم الى ١٨ سم ، جرينجو ( علي شكل تعبان البحر)

الاسماك المهاجمه موجوده طول السنه عشان كده حبيت اوضح كلمه موسم في البدايه ،

 لان في اسماك كتيره مسوطنه وموجوده طول السنه يعني مفيش حاجز ولاميناء في اسكندريه

 مفيش عليه قاروص مثلا الفكره ان السمك بيكون نشط في فترات وبيهاجم الربلات وفي فترات

اخرى بيكون في مرحله تفريغ البيض وعاده الاسماك في هذه الفتره بتكون في مرحله صوم وخمول

 وتكتفي ببعض الطعام الخفيف ولذللك دائما ما تجد ان احسن موسم لصيد الاسماك هوه الفتره

 التي تكون بعد وضع البيض مباشره ،السمكه في هذه الحاله بتكون محتاجه للطعام وفي غايه العدائيه والنشاط .

دائما اعتمد علي الواقعيه وحركه ولون الربلات التي سوف تستخدمها اختار حاجه شكلها

شبيه للطعوم اللي بتهجم عليها الاسماك ، الكاستنج ممارسه ومع الوقت انتي بنفسك حتكتشف

طريقه او حركه معينه بتستفز السمك اكتر وتخليه يهاجم مهما شوفت فديو مصور او قريت

محاضره انتي كده حققت ٥٠٪‏ والباقي حيجي ب الممارسه ، دايما جرب الجديد وغير الوانك

 والمقاسات اللي بتسخدمها لان الموضوع مش قاعده لازم تمشي عليها مش عشان اخد سمكتين

 برابلا يبقى تفضل شغال بيها علي طول وكمان تروح تشتري ٥ او ٦ من نفس الشكل واللون

وتقول شغاله اغيرها ليه ، من ١٠ سنوات كنت بطلع اصطاد مياس علي الوعر والجزر اللي ورى

المنتزه مع صياد كبير ومخضرم وكنت جايب ربلات جديده من امريكا لسه منزلتش مصر ،

المهم ان الصياد الكبير ده بص للرابله وقلي معاك كماشه او بنز ؟؟؟ سؤال غريب ؟؟

 انا قلتلو معايا اتفضل راح كاسر الدفه بتاعت الرابله الجديده وقلي قول بسم الله وارمي !!!

انا طبعا جالي انهيار وازاي نعمل كده انتي بتفهم اكتر من يازوري ورحت شايل الرابله

 اللي كسرها وحطيت وحده جديده بدفه ، اول ما رميت وعرت علي طول ، رحت رامي تاني

مره وعرت بردو وكل ده الراجل ساكت ومبيتكلمش !! بعديها قلي حط الرابله اللي كسرت

الدفه بتاعتها وارمي ، وبعديها ابتدت المجزره سمك ورى بعض ، الفكره ان السمك ماسك تحت

 الوعر ولما تكسر الدفه وترمي فوق الوعر وتلم الرابله بتعوم علي الوش والسمك وراها تعالي انتي رايحه فين ،

المغزي من هذا القصه لراجل صياد بسيط حتي لا بيعرف يكتب ولا يقرأ انه اضاف

 تعديل علي اكبر شركات الطعم الصناعي في العالم لكي يخدم ويحاكي طبيعة البيئه اللي يصتاد فيها .

فديو يوضح طريقة صيد السمك  

 



الفرق بين موديلات وانواع اللورز hard baits

الفرق بين موديلات اللورز (hard baits)

بعض انواع اللورز لشركات ومقاسات مختلفة

The-difference-between-models-and-types-of-lourdes

Top Water . Popper or pensile bait 

هو موديل من اللورز بوبر او ربلات عائمه علي سطح الماء لاستهداف السمك العائم 
 
واستخدامه للاماكن الضحله او الاثر هو من الموديلات الناجحه جداااا من وجهه نظري. Floating Minnow .

فكرته ان لو رميت ووقفت عن اللم حيطفو علي وش الميه

Suspend minnow .

ان لو رميت اللورز ووقفت عن اللم حيفضل مكانه مبيتحركش لا يطفو ولا يغرق يمسك اخر عمق وصل ليه وانت بتلم .

Sinking minnow .

لو رميت اللورز ووقفت عن اللم حينزل لتحت ويغرق ودة ملهوش اي علاقه بحجم الدفه .

Deep diving minnow .

دة الموديل الوحيد الي دفته طويله وكل ما انت بتلم بالمكنه هو بيغرق للعمق

Metal jig.

وهي الجيجات الي بنستخدمها لاماكن الاعماق . وممكن نستخدم الجيجات بطريقه رأسيه من المركب
 
 او بطريقه افقيه من الشواطئ زي الشور جيجينج وحنتكلم عليه بتوسع .
 

ممكن تبقي الربله نفس الشكل ونفس الدفه بس يبقي فيها منها موديلات مختلفه Floating او sinking .
 
 او suspend كل رابله وانت بتشتريها بيبقي مكتوب عليها بياناتها . 

السمك بيشدوا اللون والحركه وصوت البلي الي في اللورز 
 

اللورز مصنوع من خامات والوان بدرجات طبعا كله علي حسب سعرة فيه الغالي
 
 وفيه المتوسط وفيه الرخيص 

اهم ما يميز اللورز من حيث جودتها . الوانها الي بتحاكي شكل الاسماك والوانها من
 
 حيث انها بتقشر بسرعه ولا لا 

واكشنها في الميه يعني حركتها كويسه ولا لا او لو لميت بسرعه عاليه ممكن الربله تقلب علي جنب .

المكن والبوصه .

 

المكن . دلوقتي كل المكن الحديث مصنوع من الجرافييت المقوي او جزيأت الكاربون علشان
 
 يديك خفه وبردة صغرة حجم المكنه بس زودو سرعه لف دوران المكنه الي هو الgear ratio ورلمان
 
 بلي زيادة يبقي المكنه المقاس الصغير بنفس سرعه وقوة المكنه المقاس الكبير بالعكس المكن الحديث
 
 افضل واخف واقوي من الموديلات القديمه .

البوص . 

 

دايما بوص الكاستينج مصنوع من الكاربون مميزاته انه خفيف وقوي بيريح الصياد
 
 لو حيطاد وقت طويل ولو انت مثلا عايز تعمل اكشن باللورز تقدر تعمله بسهوله مثلا لو 
 
انت عايز تشتغل بلورز عائم وحبيت تعمل اكشن walk the dog هل تعرف تعمله ببوصه
 
 تقيله تكون سيرف استحاله طبعا .

البريد 

 

خيط رفيع وقوي حتقدر تملي بيه المكنه الصغير وبردة ممتاز في التشويح حيحدف معاك
 
 اللورز الصغيرة الخفيفه علشان احتكاكه بالهواء مش زي النايلون .

اي مكنه وبوصه ينفع تشوح بيها بالربلات وتاخد سمك مفيش مشكله بس فيه فرق بين واحد 
 
بيصطاد بالربلات وبين صياد الكاستينج الي بيبقي عارف حيلعب مع السمكه ازاي .

عايز تكتسب خبرة في الكاستينج لازم تنوع المرامي الي بتصطاد منها وبالتالي حتنوع 
 
في موديلات اللورز متعتمدش علي مرمي واحد اخدت منه سمك .
 

انا كنت في الاول بشتغل ببوصه عاديه ومكنه عاديه وكنت باخد سمك مفيش مشكله ابداااا 
 
بس مع الوقت حبيت اخفف العدة وانوع في المرامي واستخدم مختلف
 
 الموديلات من اللورز علشان ابقي صياد كاستينج بجد .
 

الشروط التي يجب معرفتها في اختيار عدة صيد الكاستينج

شروط عدة الكاستينج

 اختيار عدة صيد الكاستينج
الشروط التي يجب معرفتها في اختيار عدة صيد الكاستينج

بس الله الرحمن الرحيم .

ان شاء الله البوست دة حنتكلم فيه عن العدة المناسبه للكاستينج المتوفرة في السوق المصري

 وحيبقي فيه احدث المنتجات . 

الكاستينج هو :


الكاستينج او الاسبينينج ليه عدة خاصه بيه من مكن وبوص اهم ما حاجه في عدة الكاستينج انه

 يكون خفيف علشان تقدر تنفذ اكشن بطريقه صح ودراعك ميتعبش لو قعدت تصطاد وقت طويل .

معلومة سريعةكل ما كانت العدة خفيفه وماركه كويسه حتديلك اعلي اداء .

بالنسبه للبوص .

بوصة صيد دايوا مخصصة لصيد الكاستينج
بوصة صيد دايوا مخصصة لصيد الكاستينج

بوصة صيد شيمانو اليفيو مخصصة لصيد الكاستينج
بوصة صيد شيمانو اليفيو مخصصة لصيد الكاستينج

بوص لصيد الكاستينج ماركات اخري
بوص لصيد الكاستينج ماركات اخري

 

احنا بنشتري البوصه علي حسب طولها وعلي حسب الكاست ويت وفيه بوص دراعه قصير

 وفيه دراع طويل دايما بيفضل الدراع الاطول بالنسبه لعدة الاسبينينج طول البوصه عامل مهم جداااا

 لو انت واقف في مكان عالي البوصه الطويله احسن بيبقي اقصي طول ليها 3.60 متر لو انت واقف

 علي مكان مستوي البوصه القصيرة افضل واقل طول 1.80 متر لحد 2.40متر كل بوصه مكتوب 

عليها كاست ويت انت بتستخدمها علي حسب وزن اللورز الي بتشتغل بيها علي الميه كل صياد كاستينج

 بيبقي معاها اطوال مختلفه من البوص ووزن اللورز الي بتشيله في وقت الغلو دة انا ممكن اجيب بوصه

 تنفع وتشلغني كويس جداااا جداااا بالنسبه لاماكن العاليه وبالنسبه للورز الي بستخدمها يبقي طول 

البوصه المناسب الي حينفعك لاماكن العاليه ولاماكن المستويه وبردة يشيل معاك لورز صغيرة 

وكبيرة طول المناسب هو ال3 متر والكاست ويت من 10 الي 40 جرام هي ديه البوصه المثاليه 

جدااا وممكن بردة كاست ويت من 20 الي 50 جرام متزودش عن كدة ابدااا .

بالنسبه للمكن هو نوعين البيت كاستينج و مكن الاسبينينج 

مكنه اسبينينج

مكن بيت كاست

 

مكن البيت كاستينج بيبقي محتاج تدريب شويه لاستخدامه خلينا في مكن الاسبينينج هو الاكتر

 انتشار عندنا في السوق المصري ومميزاته انه بيحدف مسافات ابعد بيبتدي مقاساته 

من 2000لحد 4000 المقاس المناسب جداااا هو ال4000 حاول تجيب ماركه كويسه .

الماركات الجيدة الي تقدر تشتريها من بوص ومكن .

Shimano
Daiwa
Penn
Mitchell
Dam
Black hole
Surcatch
Okuma

يعني اي شركه عالميه تكون معروفه بمنتجاتها القويه والمتوفرة ادامك .

الخيوط المستخدمه .

 
بريد سفكس

عامل مهم جداااا طبعا فيه البريد وفيه الخيوط البلاستيك طبعا البريد افضل بكتير جدااا جدااا من البلاستيك 

في قوة التحمل وحدفك للورز بالذات في اللورز الصغيرة البريد بيبتدي من مقاس 12 الي 23 دة المستخدم 

وافضل مقاس من 18 و 20 . 
بريد شيمانو بجميع المقاسات
بريد شيمانو بجميع المقاسات

الانواع .

Powerpro
Sufix
Dam
Okuma
Shimano

يفضل ان تأتي من النوع المتوفر من شركه كويسه

الليدر & المشبك .

 

الليدر هو الوصله بين البريد واللورز الليدر ليه مميزات اكيد ومن عوامل نجاح الكاستينج . 

الليدر فلوروكاربون غير مرئي للسمكه فيه ناس كتير بتستخدم الخيط البلاستيك العادي مفيش مشكله بس

 الصح استخدام الليدر الغير مرئي . الليدر فيه منه مقاسات كتير بنستخدمها علي حسب حجم الاسماك المستهدفه .

 كل ما اللورز في الميه مقنع للسمكه كل ما فرصتك اكبر لنجاح صيدك . الليدر بيمتص اول ضربه للسمكه الكبيرة 

زي الجيجينج كدة .ولا قدر الله لو اللورز وعرت تقدر تقطعه .

المشبك .

مشبك

 

 وديه الي انت بتربطها في نهايه طرف الليدر و بتعلق فيها اللورز طبعا هي مهمه بتديلك سهوله في تغيير

 اللورز وانت بتصطاد و بتريح حركه اللورز وهي ماشيه في الميه وهي مقاسات صغيرة ومتوسطه وكبيرة

 وطبعا بيبقي معايا مجموعه من المقاسات بستخدمها علي حسب استخدام حجم اللورز يعني مينفعش استخدم 

مشبك كبير وانا مركب لورز صغيرة والعكس صحيح . المشبك ليه قوة تحمل بيبقي مكتوب علي الورقه وانت بتشتريها . 

ناخد بالاسباب ونتبع الاسلوب السليم والرزق من عند الله .

هوك & الحلقات .

 

هوكات من نو vmc من شركة رابلا

الكاستينج منظومه عوامل متكامله لنجاح صيدك وممكن من اقل الاشياء انك متهتمش بيها

 العمليه كلها تفشل فيه ناس كتير مش بيهتموا بتغير هوكات اللورز مع انها من اهم عوامل نجاح صيد الكاستينج .

 لازم بصفه مستمرة تغيير الحلقات لو عليها صدأ علشان متعملش صدأ علي بطن اللورز و الهوكات 

 علشان ميفلتش منك سمك وانت بتصطاد وحافظ علي اللورز انك بعد كل صيدة تغسلها بالميه العذبه 

ولما تيجي تغير الحلقات او الهوكات لازم تجيب نفس المقاس الي متركب عليها اساسا 

علشان لو ركبت هوكات اكبر حتاثر علي حركتها ولو ركبت اصغر حتفلت منك سمك .

صيانه الخيط والمكنه بعد كل طلعه صيد .

بتفك حله المكنه وبتحطها فيه مياة دافيه لمدة 10 دقائق علشان تنزل ملح البحر والمكنه 

بفوطه مبلوله بتنضف اجزاء المكنه ولازم كل فترة تعمل للمكنه صيانه عن طريق التشحيم .

اختيارك للورز .

تشكيلة جميلة لانواع اللورز المستخدمة في صيد الكاستينج
تشكيلة جميلة لانواع اللورز المستخدمة في صيد الكاستينج

 

كل لورز انت بتشتريها بيبقي مكتوب بياناتها بالنسبه للمقاس وبتغطس قد ايه الصياد بيبقي معاه 

مقاسات والوان وموديلات مختلفه بيستخدمها علي حسب الموسم الاسماك والاماكن الي بيصطاد منها

بعض انواع لور

.

إجمالي مرات مشاهدة الصفحة